2014/01/22

Hiztunpolisa: euskaltasunaren norabideaz apunteak

Otsailaren 26an, Jon Sarasua izango dugu "Hiztunpolisa: euskaltasunaren norabideaz apunteak" liburuaren inguruan solasaldi - eztabaidatxoa egiteko. Hitzordua, arratsaldeko 19:00etan izango da Leioako Ongi Etorri Topalekuan (Iturribide 7). 

Zer: "Hiztunpolisa: euskaltasunaren norabideaz apunteak"
Noiz: Otsailak 26, eguaztena
Non: Leioako Ongi Etorri topalekuan (Iturribide 7)
Ordua: 19:00etan
Antolatzaileak: Egizu, Berbots, Ongi Etorri eta Berbalamiñe

Irakurri liburua eta erdu solasaldira !

2013/12/05

Xaboi ekologikoen tailerra

 

Abenduaren 12an xaboi ekologikoen tailerra antolatuko dugu Ongi Etorri Topalekuan arratsaldeko 19:00etan. Tailerra UKnaturako lagunek emango dute alde teorikoa eta praktikoa landuz.
Tailerrean izena emateko bidali email bat zure datuekin berbalamine@gmail.com helbidera eta zurekin jarriko gara harremanetan.

Ikastaroaren prezioa 10 eurokoa da materiala erosteko.
Animatu eta eman izena!

2013/10/08

II. Binakako Pala Txapelketa euskaraz... Urriaren 19an!

Aurten ere, Urriaren 19an, zapatuan, II. Binakako euskarazko pala txapelketa antolatuko dugu. Txapelketa goizeko 10:00etan hasiko da Lamiakoko frontoian.

Izena emateko
idatzi mezu bat parte hartzaileen izenekin berbalamine@gmail.com helbidera edo etorri, egunean bertan, txapelketa hasi baino 30 minutu lehenago. Gainera 9:30etan  gosaria emango diegu parte hartzen duten bikote guztiei! Irabazleek 100 euro jasoko dute Leioako komertzioetan gastatzeko.
Giro euskalduna eta jatorra ez da faltako, beraz animatu eta erdu paletan jokatzera!
Jokoaren arauak:
- Euskaraz egingo da
- 12 tantora izango da
- Epailea egongo da
- Sailkapen fasea bertan egingo da zozketa bidez

2013/09/26

Urriaren 5ean Txitxiburruntzi Jaia! Erdu!

Urriaren 5ean Txitxiburruntzi jaia egingo dugu Leioako San Bartolome auzoan. Egun osoko plana egin dugu eta ederto pasatzeko aukera izango dugu. 

Urtero lez, bazkaria antolatuko dugu eta tiketak eskuratu nahi badituzue AEKn, Sanbarreko kulturreko tabernan eta Kurkudin egongo dira salgai 15 euroan. Tiketak eskuratzeko azken eguna urriaren 2a izango da, erne ibili! Indaba goxo - goxoak egingo ditugu, beraz animatu! 

Leioan ere euskaraz bizi nahi dugu!

2013/04/30

ArgiHizkiak Lehiaketaren 2. edizioa Uribe Kostara heldu da



ArgiHizkiak argazkietan oinarritutako testu laburren lehiaketa da. Getxoko UK aldizkariak eta Egizu elkarteek antolatutako egitasmoa da. Aurten hamabi argazki daude aukeran eta bi modalitate testuak idazteko: labur-laburrak (gehienez 160 karaktere) eta laburrak (gehienez 100 berba). Testua idatzi eta bidali maiatzaren 31ra arte. Oinarriak eta informazio guztia Egizuren web gunearen argIHIzkiak atalean duzue.

Animatu eta parte hartu!