Berbalamiñe Euskara Elkartea

Badator kantu afaria!

2012-02-14T01:32:00.004-08:00

Aurtengo kantu afaria Martxoaren 23an ospatuko dugu eta sorpresaz beterik etorriko da! Zuk ere parte hartu nahi duzu?

Bidali mezu bat gure helbidera: berbalamine@yahoo.es eta zurekin jarriko gara harremanetan.

Hasi eztarriak berotzen!

Lotu irakaskuntza berdeari. Matrikula ezazu zure seme-alaba D ereduan!

2012-02-07T08:17:00.000-08:00

Eskola eta Ikastola

D eredua etorkizuneko hizkuntzaren transmisorea

Durk Gorter soziologo, ikerlari eta hizkuntza-aniztasunean aditutakoak dio euskarak, komunitate euskaldunak, bizirauteko eta ondorioz gizateriari kolorea eta aniztasuna ematen jarraitzeko aldeko pisuzko arrazoi bat daukala. Izan ere, munduarekin guztiz lotuta dago, eta ezinezkoa da isolaturik gelditzea. Gure ingurua lotunez beteta dago: euskara irakasten da munduko 30 unibertsitate baino gehiagotan; soziolinguistika ikerlarientzat erreferente hurbil eta interesgarrienetako bat da; Interneten presentzia handia dauka, eta Wikipedian, esaterako, 107.000 artikulu baino gehiago ditu, alegia, komunitate grekoak dituenak baino gehiago. Sarean oso gauza interesgarriak egiten ari dira: Facebook-ek, Google-k, Tuenti-k edo Windows-ek euskarazko bertsioa dute, multinazionalek beraiek sustaturikoak, errentagarriak direla ikusi baitute.

D eredua, aukera ekologikoa

Arrazoi asko daude, dudarik gabe, euskarazko irakaskuntzaren alde egiteko. Horietako garrantzitsu bat da mundu ekologikoagoaren aldeko apustu bat dela. Ekologia ez da bakarrik inguruneaz arduratzea; aitzitik, hizkuntza eta kultura aniztasuna zaintzea ere bada. Ekologia hurbilenaren eta aldi berean globalaren alde egitea da. Muturreko egoera batean, adibidez, berdin jokatzen badugu eta okertzen bagara, huts egitea orokorra izango da. Aldizkako aukerak ezinbestekoak dira. Hizkuntzak zaintzea lagungarria da, zalantzarik gabe, herrien arteko elkarrizketa eta bakea ahalbideratzeko. Horixe egiten duzu zure seme-alaba euskarazko ereduan matrikulatzen duzunean.

Euskararekin bere kultura eta afektibitate inguruari lotzen diozu. Eta munduari, berriz. D ereduan egoki eta nahikotasunez ikasiko dituen beste bi hizkuntzekin, ingelera eta gaztelerarekin alegia, eta hautazko beste horiekin (frantsesa, alemanera…).

D eredua hizkuntza-aniztasunerako atea

Euskarazko irakaskuntza komunitate honetan aitzindaria izan da beste hizkuntzen ikasketa txertatzeko orduan. Orain ziurtatu dezakegu D ereduak zure seme-alabari hizkuntza-ingurune anitzean moldatzeko gaitasuna ematen diola txikia denetik. Izan
ere, euskara hizkuntza bizia eta arrunta da gure inguruan, eta hori oso lagungarria izaten da etorkizunean beste hizkuntzak ikastea naturalagoa gerta dakioken.

Asko hitz egiten da ingeleraz jakiteko garrantziaz, eta euskarazko ereduetan horrela egiten da. Ingelera txertatua dute curriculumean. Baina ez dugu ahaztu behar estatu batuarrak txinera ikasten ari direla, merkatu horren potentziala ikusita. Ez dugu ahaztu behar Alemania eta Frantzia Europako motor ekonomikoak direla, eta haiekin lan egiteko beren hizkuntzaz jakitea eskatzen dutela. Modu berean, Japonia munduko hirugarren potentzia ekonomikoa da. Eta krisi garai hauetan gure inguru geografikoan lana aurkitzeko orduan euskaraz jakitea aktibo garrantzitsua da.

Ez izan zalantzarik, etorkizun hurbilago batean alemanera Europako komunikazio hizkuntza bilakatuko balitz, edo txinera mundukoa izango balitz, euskarazko eredua bere curriculumean sartzeko aitzindaria izango litzatekeela, beti izan den moduan. Gure seme-alabek modu natural eta positibo batez bizi behar dute hizkuntza aniztasuna, aipatu hizkuntza guzti horiek jakin edo ez. Eta horixe da, hain zuzen ere, gure apustua: euskararekin hasi, hau baita munduko bere txokoa, hemen euskaraz bizi ahal eta behar delako, hau delako bere ingurunea, hiztun berriekin elika dezakegulako; eta hemendik beste kolore gehiago bat eman mundu jasangarri, justu, solidario eta begirunetsuagoa, hau da, ekologikoagoa egiteko.

Euskaraz ikastea hizkuntza bat ikastea baino gehiago da, munduko hizkuntza eta kultura aniztasunaren aurrean jarrera positiboa, errespetua eta beste hizkuntzekiko interesa bultzatzea eta piztea da. Oso aberasgarri gertatuko zaie gero eta globalagoa
den mundu honetan.

Lotu irakaskuntza berdeari
Sinatzaileak:
EKE
IKASTOLEN ELKARTEA
NETLE
NIZE
SORTZEN IKASBATUAZ
TOPAGUNEA

Aintzaldun daigun Agate Deuna...

2012-01-27T03:15:00.000-08:00

Urteroko ohiturari jarraituz Agate deuna bezperan kantatzera aterako gara. Aurten, zapatua denez Leioa kantuz alaitzen ibiliko gara baserriz baserri. Goizeko 9:00etan Lamia AEK euskaltegitik aterako gara eta honako ibilbidea egingo dugu:

Ibilbidea:
9.00 AEK
9.30 mendibile
10.00 santimami
10.30 santsoena (elektrika aurretik)
11.00 hamaiketakoa
11.30 santsoena (2. zatia)
12.30 solaetxeko kurban
13.00 peruri
13.30 sanbar
14.30 bazkaltzera

Zu ere animatuko zara ezta? Eztarria berotzeko hamaiketakoa egingo dugu denon artean. Animatu eta erdu kantuan ibiltzera!

Agate Deuna bileratxoa

2012-01-25T01:12:00.000-08:00

Otsailaren 4an Agate Deuna ospatuko dugu Leioan eta berbalamiñek baserriz baserriko ibilbidea egingo du egun horretan. Horregatik, zuekin egoteko, egunaren nondik norakoak azaltzeko eta zuen ekarpenak jasotzeko bilera bat egingo dugu: urtarrilaren 25ean 19:30ean Lamia AEK euskaltegian.

Zuen iritziak, ekarpenak eta parte hartzea gogo handiz jasoko ditugu.

Bertsolari filmaren emanaldia + mahai ingurua

2012-01-19T02:07:00.001-08:00

Leioako Berbalagun egitasmoak antolatuta, urtarrilaren 23an Bertsolari fimaren emanaldia eta mahai ingurua izango da Kultur Leioako Auditoriumean. Asier Altunak, filmeko zuzendariak, Unai Elorriaga idazleak eta Andoni Egaña bertsolariak parte hartuko dute mahai inguruan.

Noiz: Urtarrilak 23, astelehena 20:00etan
Non: Kultur Leioako Auditoriuma
Sarrera: 3 euro

Informazio gehiago: Irati 607632655 / leioa_berba@aek.org

Animatu!

Badator gurasolagun!

2012-01-13T01:21:00.000-08:00

Urte berriarekin, Leioan euskarari bultzada emateko nahian, egitasmo berria abian jarri du Leioako Berbalagun egitasmoak: Gurasolagun.

Leioako eskola ezberdinetan, Altzaga ikastola, Betiko ikastola eta Txomin Arestin, iada martxan dagoen proiektua da. Gutxinaka-gutxinaka, taldeak sortzen ari dira, eta badakite euren esku dagoela proiektua aurrera eramatea!

Hilabetero ekintza bat prestatuko dute denon artean,jendearen proposamenekin. Gurasolagun egitasmoari hasiera emateko, PIZZA TAILERRA egingo dute. Umeek eta gurasoek elkarrekin euskaraz aritzeko tartea sortuz, bide batez ere, imaginaziorako tartea utziz.

NOIZ: 2012ko urtarrilaren 24, 25 eta 30ean 18:00etatik 20:00etara

TOKIA: San Bartolomeko txokoan.

Beraz, animatu zaitez! Izan zaitezte GURASOLAGUN! Eta gozazazue euskaraz umeekin batera!

Posiblea da, gure esku baitago!

Nekazal azokan erdu gure postura!

2011-12-07T03:06:00.000-08:00

Abenduaren 11an, igandean, Berbalamiñek postua jarriko du Nekazal Azokan. Aurten, material berria dugu eta bertan salgai jarriko dugu. Materialaz gain, hurbildu gazta eta sagardo goxua dastatzera! Goizeko 10:00etatik 15:00etara euskara lagun izango duzu Berbalamiñeko postuan. Azokan ere euskaraz!

Abenduak 3 Euskararen Eguna

2011-11-30T01:45:00.000-08:00

Abenduaren 3an Euskararen Eguna ospatuko dugu Euskal Herrian. Hala ere, Berbalamiñetik Euskararen Eguna egunero egin dezazuen animatu nahi zaituztegu. Euskarak 365 egun behar ditu, denon kemena eta indarra behar du aurrera egiteko. Egin dezagun bada, egunero euskararen eguna. Guretzat egunero da, zuretzat?

Irrati berria dator!

2011-11-29T04:13:00.000-08:00

Uribe Kosta eta Erandioko euskalgintzaren hainbat elkartetako kideok atsegin handiz gonbidatzen zaituztegu eskualdeko komunikazio proiektu berriaren aurkezpenera.

Honako elkarteok parte hartzen dugu proiektuan:
- Bizarra Lepoan Getxoko Euskara Elkartea
- Betiko ikastola
- Erandion Euskaraz Berbots!
- Koska irratia
- UK aldizkaria
- Ukberri.net
- Berbalamiñe Leioako euskara elkartea

Ekitaldia ostegun honetan, abenduak 1, izango da, arratsaldeko 19:30ean, Algortako Aldai Patronatuan, Karitate kaleko 1. zenbakian.

Etorriko bazarete, info@bizarralepoan.org helbidera mezu bat bidaliz jakinaraztea eskertuko genizuke, aurkezpena hobeto antolatze aldera.

Bertan ikusiko dugu elkar!

Berbalagun aurkezpena!

2011-11-17T03:42:00.000-08:00

Gaur, azaroaren 17an, 20:00etan egun berezia daukagu, berbalagun taldeetan zaudetenak, baita aritu nahi duzuenak ere, batera egoteko aukera daukazuelako, non eta egingo dugun berbalagun topaketan!

NOIZ: azaroaren 17an /20:00etan.
NON: Errekalde nagusien etxean (kultur aurreko plazan)
ZER: Berbalagun aurkezpena! tartean janaria, edaria, bideoa, kantuak, eta gozatzeko gogoak!

Animatu eta erdu!

Berbalagun taldeak martxan daude!

2011-11-03T04:38:00.000-07:00

Berbalagun taldeak martxan jarri dira iada eta hauek dira momentuz dauden taldeak:

Astelehenetan 20:00etan
Asteartetan: Goizez, 12:30etan eta arratsaldez 19:00etan
Asteazkenetan 19:00etan
Ostegunetan: PALA TALDEA 18:00/19:00 (Betiko ikastolako frontoian) Ostiraletan: poteoak, tailerrak...
Asteburuetan: mendi irteerak, bizikleta irteerak...

Eta zuk izena eman duzu? Oraindik ez? Etzazu denbora galdu eta eman izena berbalagunean! Izena emateko jar zaitez kontaktuan Berbalagun egitasmoko arduradunarekin, Irati:
bidali e-posta leioa_berba@aek.org helbidera edo deitu 607.632.655 telefonora eta eman izena!

"Ezabatu eta euskaraz bizi" ekimena abian jarri du EHEk

2011-11-03T04:28:00.000-07:00

"Ezabaketa Eguna" bezala hasi eta urte luzez "Ezabaketa Astea" moduan jarraitu duen ekimena atzean utzita "Ezabatu eta euskaraz bizi" egitasmoa aurkeztu du gaur Euskal Herriaz Euskaraz-ek Iruñean. Euskal Herriko paisaia linguistikoak erabat arrotza izaten jarraitzen duen honetan, herri euskaldunak bizi duen zapalkuntzaren mugak azaleratu, hizkuntza paisaia irauli eta berau kolorez zipriztintzeko deia egin die herri mugimenduko eragileak euskaltzaleei.

Hona hemen EHEren oharra:

"Azkeneko asteetan gatazka politiko eta armatuaren konponbidearen inguruko iritzi asko entzun ditugu Euskal Herrian. Baina oso iritzi gutxi, edo bat bera ere, gatazka politikoak herri honen izaera eta biziraupenari eragindako ondorioetaz, gatazka politikoak eta asimilazio prozesuak herri euskaldunari eragindakoaz.

Gatazka politikoarekin batera kokatu behar dugu, ezinbestez, herri hau menperatzeko aspaldi abiatutako asimilazio prozesua. Eta horrekin batera, noski, bizi dugun hizkuntza gatazka bera ere, eta egun espainiera eta frantsesa direla hizkuntza nagusiak euskararen herrian. Prozesu honek euskarari, euskaldunari eta herri euskaldunari emandakoa eta kendutakoa aztertu behar dugu Euskal Herriaren konponbideaz hitz egiteko garaian.

Herri euskaldunarentzat benetako konponbideari ekiteko, asimilazio prozesua gelditzean jarri beharko dugu lehentasuna. Prozesua luzea izan da, eta oraindik orain, Euskal Herria menperatzeko helburu duten espainiar eta frantziar estatuek euren esku dauden tresna guztiak darabilte. Euskarak menpeko izaera politiko eta soziala du bere lurralde osoan. Eta hizkuntza zein kultura ordezkapenarekin jarraitzeko edozein bide da zilegi: eskolak ez du euskalduntzen, eta hala ere, hirueleaniztasuna bultzatzen dute, arlo guztietan euskaldunon eskubideen urraketa etengabea da, euskarak ia ez du presentziarik lan munduan, euskaraz bizitzeko trabak baino ez ditugu ezagutzen.

Asimilazioaren aurrean, ezabatu eta euskaraz bizi!

Asimilazio prozesua gelditzean jarri behar dugu lehentasuna beraz, euskaldun bakoitzak eta herriak. Euskarari lehentasuna emanez egin behar dugu bidea. Eta egoera iraultzeko bertatik bertara adostu eta sortutako hizkuntza-politika burujabea behar dugula aldarrikatu behar dugu.

Bide horri hauspoa emateko antolatu du EHEk EZABATU ETA EUSKARAZ BIZI ekimena. Bizi dugun hizkuntza gatazkan eta menpeko egoeraren aurrean, herri euskaldunaren zapalkuntzaren mugak eta hizkuntza paisaia kolorez zipriztindu nahi ditugulako.

Euskal Herriko paisaia linguistikoa erabat arrotza da oraindik, eta EZABATU ETA EUSKARAZ BIZI ekimena paisaia horri buelta emateko jaio da. Dagozkigun eskubideak aldarrikatzeko ez dugu gauaren babesik behar. Irria eta lanerako arropak soinean hartu eta inposatzen diguten paisaia linguistiko erdalduna iraultzeko deia zabaldu nahi dugu gaurkoan. Baita EHE-ren ikurra ahalik eta toki gehienetan marrazteko ere, euskaraz bizitzeko bidea egiteko prest gaudela adierazteko. Euskal Herrian Euskaraz baino harago doan mobilizazioa denaren jakitun, ekimen honetan parte hartzeko deia egiten diegu herritarrei.

EHEren taldea dagoen herrietan, datozen egunotan ezabaketak egiteko xedearekin egingo diren bizikleta martxa, olinpiada, kalejira eta abarretan parte hartuz. EHEko talderik ez den herrietan aldiz, ekimen hau norberak propio bihurtuz eta zapalkuntzari margo eta koloreekin erantzunez.

Data zehatzik gabe bada ere, testuinguru zehatz batean aurkezten dugu EZABATU ETA EUSKARAZ BIZI ekimena; hauteskundeen testuinguruan, alegia. Ikasturte politiko honetan bi zita elektoral biziko ditu Euskal Herriak; bihar Madrili begira abiatuko dena, eta heldu den maiatzean Parisi begira emango dena. Finean, Frantziako Asanblada Nazionaletik eta Espainiako Gorteetatik datoz herri euskalduna ukatzen zein euskaldunon eskubideon aurkako hizkuntza politika menderatzaileak onartzen dituzten erabakiak.

Ziur gaude asimilazioa bideratzen duten lege zein politikak eta jokabide sumisoak ezabatuz eta euskaraz biziz, Euskal Herri euskaldunerako bidea egiteko prest dela euskaltzale andana. Horiei guzti horiei eta oraindik euskaraz bizitzeko hautua egin ez dutenei dei egiten diegu egitasmo honetara bildu daitezen.

Atsegin dut Berbalaguna!

2011-10-13T00:57:00.000-07:00

2011 - 2012 ikasturtearekin batera Berbalagun egitasmoa martxan jarriko da. Zer da berbalaguna? Berbalaguna euskaraz hitz egin eta praktikatzeko gunea da. Edozeinek har dezake parte, berdin dio euskaldun zaharra, euskaltegiko ikasle ohia edo euskaltegiko ikaslea izan. Euskara harreman sareak sortzeko tresna ere bada.

Izena emateko hurbildu Lamia AEK euskaltegira, Mastitxu Udal Euskaltegira edo Euskara Zerbitzura.

Leioako Euskara Zerbitzua, Berbalamiñe euskara elkartea, Lamia AEK euskaltegia eta Mastitxu udal euskaltegia dira egitasmo honen sustatzaileak. Guztien helburua, "herritar orori euskaraz bizitzeko aukera eskaintzea da, euskararen presentzia gure kaleetan eta gizartean beharrezkoa baita". "Azken aldian denon ahotan dabiltza interneteko sare sozialak. Harreman sare birtual horien balioa eta beharra ez dugu guk zalantzan jarriko, guk ere erabiltzen ditugu, baina egiatako sare sozialak, aurrez aurreko harreman sareak, atsegin badituzu eta gainera euskara praktikatuz eraiki nahi badituzu, ez duzu inon ezer klikatu behar; izena ematea besterik ez", azaldu dute.

Euskara atsegin dut! Eta zuk?

Eskerrik asko!

2011-10-12T03:37:00.000-07:00

Urriaren 8an Txitxiburruntzi eguna ospatu genuen Lamiakon. Hainbat arazo tekniko izan genuen eguna aurrera eramateko eta hala ere, egin genuen. Zuek guztiok barik ezin izango genuke egin eta horregatik eskerrik beroena eman nahi dizuegu:

- Gure Ohiturak dantza taldea
- Txikiak - txiki dantza taldea
- Lamiako maskarada
- Kurkudi kultur taldea
- Lamia AEK euskaltegia
- Betiko ikastola
- Txomin Arestiko guraso elkartea
- Lamiako jai batzordea
- San bartolome jai batzordea

Eskerrik asko!

Txitxiburruntzia: Azken berriak!

2011-10-07T03:15:00.000-07:00

Azken orduko arazoak direla eta, Txitxiburruntziko bazkaria eta erromeria bertan behera geratuko dira. Bazkarirako tiketak erosita dituzuen guztiak, lasai, dirua itzuliko dizuegu. Hala ere, goizeko egitarauarekin aurrera jarraituko dugu.

Zabaldu euskara herrira eta etorri Txitxiburruntzira!

Urriaren 8an Txitxiburruntzia Lamiakon

2011-09-27T06:50:00.000-07:00

Urriaren 8an Txitxiburruntzi Jaia ospatuko dugu Lamiakon. Aurtengoa Txitxiburruntzi berezia izango da herriko zenbait elkartek antolatuko dugulako: Gure Ohiturak dantza taldea, Txomin Arestiko guraso elkartea, Txikiak dantza taldea, Lamiako Maskarada, AEK, Sanbartolome jai batzordea, Txopera jai batzordea, Lamiako jai batzordea, Udondo jai batzordea, Leioako Gazte asanblada, Betiko ikastola...eta beste zenbait elkarteren laguntza ere jaso dugu. Lekua ere aldatu dugu, Leioako auzo guztietara zabaldu nahi dugulako euskararen mezua!

Eta hainbeste lagun batuta egitarau aparta ere antolatu dugu egun guztirako! Beraz, ez ezazu hutsik egin eta hurbildu zaitez Lamiakora urriaren 8an Txitxiburduntziaz gozatzera!

Egitaraua:
11:00etan Jaiaren hasiera! Dultzaineroak Lamiako eta Txoperatik!
Ordu berean umeentzako tailerrak hasiko ditugu!

12:30ean Euskal dantzen erakustaldia Gure Ohiturak eta Txikiak dantza taldeen eskutik. Aire, aire!

13:00etan Txitxiburduntzi jana. Has gaitezen tripa betetzen...

14:30ean Larrain dantza herrikoia. Oraindik ikasi barik?

15:00etan Herri bazkaria. On egin! Tiketak 14 euroan salgai: Menoyo tabernan, Kurkudi Herriko tabernan, Lamia AEK euskaltegian eta "Pi"ren tabernan.

17:30ean Erromeria!

Egun osoan zehar euskararen aldeko mezua jasoko dugu. Ekarri zeurea!

OPORRAK

2011-08-02T03:31:00.001-07:00

Oso ondo pasa !!!

Irailerarte . . .

Txitxiburruntzi jaia

2011-05-19T03:40:00.000-07:00

Aurten urrian egingo dugu !!!

Gora TxiTxibuRruTxI JaIa !!!!

Jaiak herritik eta herriarentzat.

Ez hutsik egin !!!!

Korrika Leioan ARGAZKIAK !!

2011-04-27T01:36:00.000-07:00

ZORIONAK LEIOA !!!

KORRIKA TREBIÑUN

2011-04-07T23:47:00.002-07:00

AURRERA KORRIKA !!

2011-04-07T23:47:00.001-07:00

KORRIKA LEIOAN !!!

2011-04-07T23:40:00.000-07:00

Domekarako planik nahi?

2011-03-31T01:20:00.000-07:00

Apirilaren 3an, domeka, Korrikaren aldeko kuestazioa egingo dugu. Baina, ez pentsa kuestazio arrunta izango denik, ezta gutxiago ere! Triki poteoa egingo dugu herritik eta Korrikaren aldeko kuestazioa ere!

Beraz, planik ez baduzu hurbildu 12:00etan Ikea Barri plazara eta gozatu poteoaz!

Maitatu, ikasi, ari... euskalakari! Eta noski, gozatu Korrikarekin!

Korrika aurkezpeneko lekua aldatu da

2011-03-24T07:04:00.000-07:00

ADI!

Korrika aurkezpeneko lekua aldatu da:

Gaur, martxoak 24 Korrika aurkezpen mundiala Andrak elkarteko egoitzan (Sabino Arana 78) arratsaldeko 20:00etan.

Animatu euskalakariak eta erdu!

Maitatu, ikasi, ari...KORRIKA!

2011-03-21T05:08:00.000-07:00

Apirilaren 7tik 17ra Korrika izango da Euskal Herrian. Herriz herri eta auzoz auzo euskararen alde Korrika egingo dugu. Leioatik ere pasatuko da Korrika apirilaren 16an goizeko 9:38an sartuko da metro geltokitik.

Zu ere euskalakaria zara? Eta Korrikan parte hartu nahi duzu? Ez dakizula nola? Ekitaldien berri izan nahi duzu?

Ba horiek guztiak argitzeko martxoaren 24an Korrika aurkezpena izango da Leioan arratsaldeko 20:00etan Andrak Elkarteko lokalean. Erdu eta Korrikan parte hartu!

Izan zaitez zu ere euskalakaria!

Maitatu, ikasi, ari...euskalakari!

Hemen duzue Korrikaren bideoklipa

Korrika Ibilbidea !!!

2011-03-21T01:34:00.000-07:00

Mezua

Euskal Herrian bizi dena euskal herritarra bada eta euskalduna euskaraz dakiena, nola deitu behar diogu euskara maitatu, ikasi eta erabili egiten duenari? Nola, euskaraz bizi denari?
AEK-k eta Korrikak horiei guztiei izena ipini nahi diete Korrika 17rekin: euskara maite duena, ikasten eta erabiltzen duena, EUSKALAKARIA¹ da:
Euskalakaria da lehenengo hitza euskaraz egiten duen dendaria
Euskaraz sortzen duen artista.
Euskaraz diharduen lantegiko enpresaria.
Euskara sustatzen duen herritarra.
Euskararen aldeko neurriak hartzen dituen herri-ordezkaria.
Euskaraz lan egiten duen kazetaria, kirolaria, iturgina…

Euskalakaria da hitz egin ez baina ulertzen duenari euskaraz egiten diona.
Euskalakaria da ikasten ari dena, eta ikasten ari denarekin mintzo dena.
Euskalakaria da haurrari dakien beste euskara egiten dion gurasoa.

Euskalakaria alaia da.
Euskalakaria baikorra eta ekintzailea da.
Euskalakaria bizizalea da.

Euskalakaria naiz ni.
Euskalakaria haiz hi
Euskalakaria da bera.

Euskalakariak gu gara.
Euskalakaria zara zu.
Euskalakariak zuek zarete.
Euskalakariak haiek dira.

Korrika egiteko, grina eduki, oinez jakin eta abiatu egin behar da. Erortzeko beldurrik gabe. Euskaraz egiteko, maitatu, ikasi eta aritu egin behar da. Hanka sartzeko beldurrik gabe.

Tipi-tapa, tipi-tapa… Euskal Herria euskalduntzeko herritar bakoitzaren egitekoa, garrantzia eta protagonismoa aldarrikatu nahi ditugu.

Tipi-tapa, tipi-tapa… Bakoitzaren abiapuntua zeinahi dela ere, herritar guztiak euskalakari izango diren Euskal Herria da Korrikaren azken helmuga. Euskal Herri euskalduna da AEKren azken helburua.

Maitatu, ikasi, ari… euskalakari!

Bihar, Euskaraz Bizi Eguna Gernikan

2011-03-18T04:38:00.000-07:00

Bihar, martxoak 19 larunbata ospatuko da Gernika-Lumon Euskaraz Bizi Eguna. EHEko kideek eta Euskaraz Bizi Eguneko egitarauan eta prestaketa lanetan parte hartu duten eragile eta norbanakoek agerraldia egin dute euskaraz bizi nahi duten guztiei jaia eta aldarrikapena uztartuko dituen egunean parte hartzeko deia egiteko. Euskaraz biziko den herrirantz egiteko dugun bidean auzolanetik emango ditugu urratsak nahitaez, eta euskaraz bizitzearen aldeko hautua indartzea helburu duen Euskaraz Bizi Eguna auzolan horren beste adierazle bat izango da.

Lau ikasle berritik hiruk egin dute D ereduaren alde EAEn

2011-03-17T06:14:00.000-07:00

Indartuta atera da D eredua Arabako, Bizkaiko eta Gipuzkoako aurrematrikulaziotik. 2 urteko ikasle berrien artean, %75,23k egin dute euskaraz ikastearen alde —iragan urteko datuekin alderatuta, bi puntu gehiago—. Denera, aurreko urtean baino 307 ikasle gehiago arituko dira D ereduan. Kontrako bidean segitzen dute A eta B ereduek, ikasleak galduta. Esanguratsuagoa da aurten datua: Eusko Jaurlaritzak Internet bidez izena emateko modua eskaini eta gutunak bidali ditu, «aukeratzeko askatasuna» bermatzearren. Halatan ere, A eta B ereduek behera jarraitu dute.

Eusko Jaurlaritzako Hezkuntza Sailak atzo eman zituen aurrematrikulazioen behin-behineko datuak. Gorakada nabari da aurreko urteetako datuekiko: matrikulatzeko 36.333 eskari berri egin dituzte aurten Araban, Bizkaian eta Gipuzkoan —iaz 35.495 ziren—; erdiak pasatxo, 18.268, 2 urteko umeak dira —aurreko ikasturtean baino 37 gehiago dira horiek; 18.241 izan ziren iaz—.

Aurreko urtean hasitako joerari jarraitu diote aurtengo datuek. Aldaketa esanguratsua izan zen iaz, sare publikoaren alde egin baitzuten guraso gehienek. Hala gertatu da aurten ere: hamarretik ia seik eman dute izena eskola publikoetan (21.148), eta lauk, pribatuetan (15.185). Hiru herrialdeetan nagusitu da sare publikoa.

A eredua, bazterrekoago

Joera baten erakusle izanagatik ere, ereduei dagokien datua bereziki nabarmentzekoa da. D ereduak jarraitzen du jaun eta jabe izaten: 2 urteko umeen izen-emateak aintzat hartuta, 18.268 ikasletatik 13.743k egingo dituzte ikasketak euskarazko ereduan —%75,23—; iazko datuekin konparatuta, 307 gehiago dira horiek.

Aldiz, beste bi ereduek behera jarraitzen dute. B ereduan 237 izen-emate gutxiago izan dira aurten —3.840 dira denera—; 2 urtekoen artean, bost ikasletik batek hautatu du euskara eta gaztelania irakats hizkuntza dituen eredua. A ereduan ere iaz baino ikasle gutxiago arituko dira: 685 guztira, iaz baino 43 gutxiago. Gero eta bazterrekoagoa da gaztelaniazko eredua: %3,75ek hautatu dute.

Araban D ereduak izandako aurrerapausoa handia da: 2.653 ikaslek eman dute izena denera —iaz baino 123 gehiago—, eta haietatik 1.514k aukeratu dute euskarazko eredua, iaz baino 136 gehiagok. Ikasleen %57ren irakats eredua izango da, beraz. B ereduak gora egin du zerbait —1.066 arituko dira, iaz baino 28 gehiago—, eta A ereduak, behera, nabarmenago —114 ikaste zituen iaz, eta aurten, 73—. Araban, ehunetik hiru ikasle berrik ere ez dute gaztelania hutsezko ereduaren alde egiten. D eredua iaz baino are nabarmenago gailendu da herrialde horretan, eta kontu berria da hori: orain bi urtera arte, B eredua aukeratzen zuten hezkuntza sisteman sartzen ziren gehienak.

Bizkaian eta Gipuzkoan nabarmenagoa da D ereduaren nagusitasuna, eta areagotu egin da aurten: hamarretik zazpik hautatu dute Bizkaian; bederatzik, Gipuzkoan. B ereduak lekua galtzen segitzen du —laurdena ere ez da Bizkaian; %8 eskas, Gipuzkoan—. A ereduan, %4,7 ari dira Bizkaian, iaz bezalatsu; Gipuzkoan, 2010ean baino 16 gehiagok hautatu dute, baina oso bazterrekoa da: %2,7k hartu dute. 2 urteko 9.425 umek eman dute izena Bizkaian —iaz baino 220 gutxiago—; Gipuzkoan, 6.190ek —iaz 6.066 ziren—.

Aurrematrikula Interneten bidez egiteko modua jarri du aurten Hezkuntza Sailak, gurasoen «aukeratzeko askatasuna» bermatu nahirik. 3.022 matrikula egin dituzte horrela. «Benetako eskaria» ezagutu nahi zuen, eta, iaz bezala, oso apalak dira datuak. Eskolak eskaintzen ez dituen eredua 44 gurasok eskatu dute —%0,24—: 26k B ereduan, 11k D ereduan eta 7k A ereduan. Lehen aukera gisa eskolak eskaintzen ez duen eredua aukeratu dute B ereduan 140k, D ereduan 82k eta A ereduan 58k; guztira, 280k —matrikulen %1,53—.

Araban, Bizkaian eta Gipuzkoan %2,3 hazi da D eredua. Datu horri Nafarroakoa gehitu behar zaio: %10 egin du aurrera han.

Iturria. Berria. 2011 / 03 / 13

Nekasarea proiektuaren aurkezpena Leioan

2011-02-10T01:09:00.000-08:00

Otsailaren 17an Unai Aranguren EHNEko kideak Nekasarea proiektuaren aurkezpena egingo du Leioan. Hitzaldia arratsaldeko 19.30ean hasiko da Lamia AEK euskaltegian. Ortutik platerera, baserriko produktuak jateko modu erraza.

Jaten duguna gara?

Sasi guztien gainetik euskaldun eta burujabe! Larunbatean Donostian

2011-02-09T05:04:00.001-08:00

Otsailaren 12an, Euskal Herrian Euskaraz-ek deituta Donostian egingo den manifestazio nazionalean parte hartzera deitzen ditugu Leioako euskaldun eta euskaltzale guztiak. "Sasi guztien gainetik, euskaldun eta burujabe" izan nahi eta behar dugula aldarrikatu behar dugu.

Euskaldun guztiok deialdiarekin bat egiteko aukera duzue Interneten dagoen manifestuari babesa emanez. Egun horretan, euskaraz bizi nahi dugula aldarrikatzeaz gain, bildutako euskaltzaleok Jose Luis Alvarez Enparantzari, Txillardegiri, merezitako omenaldia egingo diogu ekitaldian. EHEren sortzaileetako bat izateaz gain, herri euskaldunaren aldeko mugimenduan eta euskalgintzan erreferente handia dugu Txillardegi. Urteetan erakutsitako borrokarako grinaren eta konpromiso irmoaren aurrean merezitako omenaldia egingo diogu.

Zatoz!

XXI.mendeko Euskaldunon elkarteen Kongresua baino gehiago

2011-02-08T00:41:00.000-08:00

Otsailaren 26an Euskaldunon Elkarte guztietako kideak elkarrekin bilduko gara Bilbon, inoiz mugimendu honen baitan egindako bilkurarik jendetsuenean, Kongresuan alegia. Bilboko Alhondegian elkartuko gara goizean Kongresuari bukaera emateko eta ondoren parranda egingo dugu denok batera Bilboko Kafe Antzokian. Otsailaren 26an euskaldunon elkarteen bilgune eta olatua bilakatuko dugu Kongresua, ametsetatik errealitatera salto egiteko garaia iritsi da!

Zu ere kongresuan parte hartzera gonbidatu nahi zaitugu. Animatu eta zabaldu deialdia!

Santa Agedan kantu kantari!

2011-01-20T01:14:00.000-08:00

Otsailaren 4an, ostirala, Santa Ageda kantatzen aterako gara ohiturari jarraituz. Hitzordua Lamia AEK euskaltegian jarri dugu arratsaldeko 18:30ean. Ahotsak fintzeko eta berotzeko entsegua egingo dugu Otsailaren 3an, osteguna, arratsaldeko 20:00etan Lamia AEK euskaltegian.

Ostiralean kantuan arituko garenez baserritar jantzia soinean ekarri taldea girotzeko. Kantuan bukatutakoan luntx txiki bat eta poteoa egingo dugu egunari amaiera polita emateko. Animatu eta etorri gurekin kantuan!

Gora Leioa euskalduna!

Urte berriarekin indar berrituta gatoz

2011-01-10T04:07:00.001-08:00

Urte berria hasi dugu iada eta Berbalamiñe euskara elkartea indar berriarekin hasiko da lanean. 2011. urtean hainbat ekimen antolatuko ditugu eta horietara zu ere etortzea nahi dugu. Laster emango dizuegu aurtengo egitasmoen berri.
Urte berriarekin gogo eta ilusio berria!

2010-12-16T08:58:00.000-08:00

Zorionak eta urte barri on !!!

Olentzero eta Mari Domingi Leioan euskararen alde!

2010-12-01T04:02:00.001-08:00

Abenduaren 12an, domeka, Olentzero eta Mari Domingi etorriko dira Leioara, zuekin egotera eta bide batez zuen gutunak jasotzera.
Eta non egongo diren jakin nahi duzu?
Ba Abenduaren 12an ere Nekazal Azoka ospatuko da Leioan eta Berbalamiñeren postuan egongo dira Olentzero eta Mari Domingi eguerdiko 12:30ean.

Etzazu aukerarik galdu eta hurbildu Berbalamiñeren postura eta etxerako olentzeroak, gabon kantak eta kamiseta ederrak eskuratzeko aukera izango duzu. Eta noski! Pintxo bero eta goxoak prest izango ditugu zuretzat!

Abenduaren 12an, hurbildu azokara, hurbildu Berbalamiñeren postura!

Abenduaren 16an aurkeztuko da Korrika 17ren webgunea

2010-11-25T05:54:00.000-08:00

KORRIKAK LAGUNTZAILE IZAN ZAITEZ !!

Leioako Berbalaguna egitasmoaren aurkezpena!

2010-11-24T01:23:00.000-08:00

Izen emate epe luzearen ondoren, zenbait talde osatzeko beste berbalagun gaude jada. Beraz ostiral honetan, azaroaren 26an, Berbalagunaren aurkezpena egingo dugu polikiroldegian arratsaldeko 20:00tan.

Polikiroldegian sartu eta eskilarak igota areto txukun bat dago eta hantxe elkartuko gara, ezagutzen duzuenok jakingo duzue heltzen eta ezagutzen ez duzuenok, lasai, kartelak jarriko ditugu galdu ez zaitezen.

Egitaraua honako hau izango da: Ongi etorria, bideo emanaldia, beste herrietako Berbalagunen esperientziak eta amaitzeko mokadutxoa.

Jadanik izena eman duzuenok eta oraindik animatu ez zaretenok, denak zaudete gonbidatuta!

Egin zaitez BAZKIDE !!

2010-10-25T06:46:00.000-07:00

Berbalamiñe Euskara Elkartea indar berriarekin hasiko da ikasturte berria, eta horretarako zuen laguntza ezinbestekoa dugu. Bai, zure laguntza behar dugu euskara Leioan zabaltzeko. Horretarako, bazkidetza kanpaina abiatuko dugu herrian. Bazkidetzak urtekoak dira eta 36 euro balio du, alegia hilabetero 3 euro. Bazkidetzarekin hainbat deskontu izango duzu gure ekimenetan, baita elkartean parte hartzeko eskubide osoa ere.
Bazkide izan nahi baduzu jar zaitez gurekin harremanetan edota hurbildu zaitez Leioako Nekazal Azokan gure postutxora eta bertan dena gogo handiz azalduko dizugu.

Leioan ere euskaraz!

BATZAR OROKORRA

2010-10-20T00:57:00.001-07:00

Leioara ere heldu da Berbalagun egitasmoa

2010-10-18T22:24:00.000-07:00

Euskaldunek eta euskara ikasten dabilenek euskaraz hitz egiteko aukera gehiago izan dezaten, aurten, Berbalagun egitasmoa martxan jarri dute Leioan. Tokiko euskara zerbitzua, Berbalamiñe euskara elkartea, Lamia AEK euskaltegia eta Mastitxu udal euskaltegia dira egitasmo horren sustatzaileak. Helburuak bi dira: batetik, Leioako euskaldunak elkar ezagutzea; eta bestetik, euskara ikasten ari diren ikasleek praktikatzeko aukera gehiago izatea. Metodologiari dagokionez, adina eta zaletasunak kontuan hartuta, lau eta bost lagunen arteko taldeak osatuko dituzte. Euskaraz hitz egiteko konpromisoa hartuta, talde bakoitzak dinamizatzailea aukeratuko du eta denen artean erabakiko dute noiz, non eta zertarako bildu. "Arruntena astean behin taberna batean biltzea da, kafea hartzeko... baina aukera asko daude", Beñat Vidal Leioako Berbalagun egitasmoko arduradunak adierazi duenez. Argazkian, berbalagunen bila dabiltza jada Leioako euskaldunak / © Leioako Berbalagun.

Astean ordu bete edukitzea nahikoa da berbalaguna izateko. Leioako hainbat txokotan eskuragarri daude izena emateko orriak. Bete ostean, Lamia AEK euskaltegian, Mastitxu udal euskaltegian edo Udaleko Euskara Zerbitzuan utzi beharko dira edo e-postaz leioa_berba[abildua]aek.org helbidera bidaliz. Telefonoz (607 632 655) deitzeko aukera ere badago. Hilean zehar egitasmoaren aurkezpenak egingo dituzte, batez ere, herriko euskaltegietan. "Izena eman duen jendeak libre duen denboraren arabera antolatuko ditugu taldeak. Horiek azaroan batzen hasiko dira", azaldu du Vidalek. Bestalde, Leioako berbalagunek bloga izango dute argazkiak, azken berriak eta partaideen iritziak zabaltzeko.

Berbalamiñe FACEBOOK-en !!

2010-10-14T06:14:00.000-07:00

Bat egin FACEBOOK-en Berbalamiñe Euskara Elkartearekin !!!
Gaur 600 lagun dauzkagu . . .
Ea 1000 lagun biltzen garen !!!

2011 urterako Berbalamiñe egutegiko irudia.

2010-10-14T06:12:00.000-07:00

TXITXIBURRUNTZIKO ARGAZKIAK

2010-06-17T06:28:00.000-07:00

“Erregea eta Bufoia”

2010-06-17T06:19:00.000-07:00

SEASKAREN ALDE !!!
Kultur Leioan (Leioako antzokia), Ekainak 21ean, astelehena, 20:30tan

TXITXIBURRUNTZI EGUNA

2010-05-28T02:48:00.000-07:00

Berbalamiñe Euskera Elkarteak:

"TXITXIBURRUNTZI EGUNA" antolatzeko asmoa du datorren ekainaren 12an. Negua amaitutakoan,egun batean gure herriko baserri eta auzoetako bizilagunak elkartu egiten ziren leku ezagunetan (Ondiz, San Bartolome, Aldekoane, Martiartu...) eta egun pasa egiten zuten txerrikiak surtan erretzen eta jaten, dantza egiten... ondo pasatzen elkarrekin alegia!
Euskaldunok elkarrekin ondo pasa dezagun euskeraz, ohitura zahar hori berreskuratu nahi dugu eta horregatik ekainaren 12an Leioara etor zaitezen animatu nahi zaituztegu.

Herri euskalduna

2010-04-28T03:52:00.001-07:00

Kaixo, lagunok:

Euskal Herrian Euskaraz erakundetik honako gonbitea luzatu digute. Igande honetan, maiatzak 2, Etxarrin ospatuko den Euskaraz Bizi Egunera joatea, alegia. Aldarrikapen eta jaialdi egun horrek Hizkuntz Eskubideen Egunari hartu dio lekukoa.

Horra hurbiltzeko autobusa izango dugu Portugaletetik. Izen-ematea 658 724 129 (Igor) zenbakian egin daiteke. Bidaia zenbat joango garenon araberakoa da baina 10 euro inguru ibiliko da. Era berean, herri bazkarirako txartela ere eskatu daiteke (12 euro).

Herri euskalduna berreraiki nahi dugu
Euskaraz bizitzeko bidea egin behar dugu
zu ere egun horretan parte hartzera gonbidatu nahi zaitugu

NAFARROAN EUSKARAZ BIZITZEKO ESKUBIDEA !!

2010-04-19T08:18:00.000-07:00

II. KANTU AFARIA

2010-03-15T04:27:00.000-07:00

ZORIONAK ETA URTE BERRI ON

2010-02-17T10:27:00.000-08:00

ZORIONAK ETA URTE BERRI ON!!

2009-12-02T08:28:00.000-08:00

EUSKAL DANTZA IKASTAROA

2009-09-24T08:52:00.001-07:00

PANDERO IKASTAROA

2009-09-24T07:58:00.000-07:00

TXALAPARTA IKASTAROA

2009-09-24T07:43:00.000-07:00

ONGI ETORRI IKASTURTE BERRIRA ! !

2009-09-17T00:52:00.000-07:00

-TRIKITIXA IKASTAROA.

-PANDERO IKASTAROA.

-DANTZA IKASTAROA.

- ...

-BERTSO AFARIA.

-KANTA AFARIA.

-EUSKERA EGUNA.

-OLENTZERO.

-TXITXIBURRUNTZI JANA.

- ...

ONDO PASA OPORRETAN ! ! !

2009-08-06T05:26:00.000-07:00

TXITXIBURRUNTZI

2009-06-16T01:08:00.000-07:00

JAN ETA ERROMERIA TARTEAN IZANDAKO HERRI KIROLEN TXAPELKETA.

TXITXIBURRUNTZI 2009

2009-05-26T08:41:00.000-07:00

Txitxiburruntzia ! !
Antzinean, negua amaitutakoan, gure herriko baserri eta auzoetako bizilagunak elkartu egiten ziren leku ezagunetan eta egun pasa egiten zuten txerrikiak sutan erretzen eta jaten, dantza egiten...
Euskal Herriko beste toki batzuetan txitxiburduntzi, sarteneko, sasikoipetxu, basatoste, sasimartxo... etb izenez ezagutzen den ohitura honek. Arratiako hainbat tokitan eta Zeberion bizirik jarraitzen du eta Txitxiburruntzi edo Kanporamartxo izenez ezagutzen dugu.
Tradizioari jarraituz ibilalditxo bat egiten da eta ondoren urdaiazpikoa eta txorizoak zorroztutako makilen puntan sartu eta sutan erretzen dira geroago ogitartean jateko.

www.barnebana.org/Txitxiburuntzi_A3.pdf

www.barnebana.org/Txitxiburruntzi_A2.pdf

EUSKAL CURRICULUMAREN

2009-05-06T23:21:00.000-07:00

Euskal Curriculumaren aldeko manifestua

Igandea, 2009(e)ko Urtarrila(r)en 11-(e)an 22:33etan
Nazioarteko hainbat itunetan jasotzen denez, herri guztiek beraien hezkuntza antolatzeko eskubidea dute. Bide horretan, euskaldunok, Oinarrizko Hezkuntza Akordioan hezkuntza sistema nazionala antolatzeko eta egituratzeko eskubidea berretsi genuen. Hala:

Aldarrikatzen dut: euskal herritarrok euskal kultura, hizkuntza eta nortasunetik abiatzen den hezkuntza integrala jasotzeko eskubidea dugu. Hori bermatzeko tresna bakarra Euskal Herri osorako sorturiko Euskal Curriculuma da. Beronen sorrera txalotu eta honen aplikaziorako estrategia oso baten beharra plazaratzen dut.
Salatzen dut: herri gisa onartzen ez gaituzten bi estatuek gure eskoletan frantziar zein espainiar hiritar gisa heztera behartzen gaituzte. Curriculum, eduki, irakasgai eta ebaluazio arrotzen (selektibitatea eta baxoa, kasu) inposaketa dira eskubide urraketaren adibideak.
Nire konpromisoa: belaunaldi berriak euskaldun gisa hezi daitezen, Euskal Curriculumaren beharra aldarrikatuz eta borrokatuz, Hezkuntza Sistema Nazionalaren eraikuntza bultzatuko dut.

Igandea, 2009(e)ko Urtarrila(r)en 11-(e)an 22:33etan
Nazioarteko hainbat itunetan jasotzen denez, herri guztiek beraien hezkuntza antolatzeko eskubidea dute. Bide horretan, euskaldunok, Oinarrizko Hezkuntza Akordioan hezkuntza sistema nazionala antolatzeko eta egituratzeko eskubidea berretsi genuen. Hala:

Aldarrikatzen dut: euskal herritarrok euskal kultura, hizkuntza eta nortasunetik abiatzen den hezkuntza integrala jasotzeko eskubidea dugu. Hori bermatzeko tresna bakarra Euskal Herri osorako sorturiko Euskal Curriculuma da. Beronen sorrera txalotu eta honen aplikaziorako estrategia oso baten beharra plazaratzen dut.
Salatzen dut: herri gisa onartzen ez gaituzten bi estatuek gure eskoletan frantziar zein espainiar hiritar gisa heztera behartzen gaituzte. Curriculum, eduki, irakasgai eta ebaluazio arrotzen (selektibitatea eta baxoa, kasu) inposaketa dira eskubide urraketaren adibideak.
Nire konpromisoa: belaunaldi berriak euskaldun gisa hezi daitezen, Euskal Curriculumaren beharra aldarrikatuz eta borrokatuz, Hezkuntza Sistema Nazionalaren eraikuntza bultzatuko dut.

http://www.euskaleskola.org/index.php/plazara-mainmenu-26/euskal-curriculuma-mainmenu-56/284-euskal-curriculumaren-aldeko-manifestua

Hizkuntz Eskubideen Egunerako autobusa jarri du EHEk

2009-04-27T23:59:00.000-07:00

Datorren igandean, maiatzak 3, Ondarroan ospatuko den Hizkuntz Eskubideen Egunerako autobusa jarri dute Uribe Kostako eta Ezkerraldeko EHEren taldeek. Autobusa Portugaletetik aterako da, Java zinematik goizeko 9etan. Bueltatzeko ordua autobusean bertan finkatuko dutela aurreratu dute, baina "20:00ak aldera" aurreikusten dute. Autobusa eta herri bazkarirako txartela 25 euro izango dira eta txangoan izena emateko 652 764 387 telefonora dei daiteke, lekuak agortu edo ostiralera arte. "Euskaraz Biziz Euskal Herri euskalduna eraiki" lelopean, igandean, VI. Hizkuntz Eskubideen Eguna egingo du EHEk Ondarroan. Ekimen hori "euskarazko egun osoko festa eta salaketarako eguna" da. Egun osoan euskaraz bizi eta gozatzeko egitarau zabala izango da, kale animazio, herri-bazkari, ikuskizun, gune, kontzertu eta abarrekin. Zesatek! eta Trikizio taldeak izango dira oholtza gainean. Manifestazioa eta ekitaldi nagusia ere izango dira bazkalaurrean.EHEk zabaldu duenez, "Euskal Herrian euskaldun gisa bizitzea zaila da, eta are gehiago gurea bezalako eskualdeetan. Behatokiak urtero egiaztatzen duenez, administrazio guztiek urratzen dituzte gure hizkuntz eskubideak eta urtero urraketa berberak egiten dituzte, konponbiderik jarri gabe. Baina, Euskal Herri euskalduna eraikiko bada, hizkuntz eskubideak bermatzeaz gain, beharrezkoa izango da euskaldunon komunitateak euskaraz bizitzeko hautua egitea".Horregatik, azaldu dutenez, "Ondarroan ospatuko da Hizkuntz Eskubideen Eguna, euskara hutsez bizitzeko hautua egin duen Udalerri Euskaldunen Mankomunitateari (UEMA) babesa agertzeko. Izan ere, Ondarroa eta Lekeitiori UEMA uztea agindu zieten epaitegi espainolek eta Lea Artibai eskualde bereko Mendexa, Munitibar eta Etxebarri udalerrien kasuan, ordea, EAJ izan da UEMAtik atera dituenak, euskaldunon erakunde bakarra ahulduz".Hori horrela, Getxo udalerriko EHEk eskualdeko euskaltzaleak gonbidatzen ditu Ondarroara hurbiltzera, "euskarazko hautua egin duen gune euskaldun batean egun atsegin bat igarotzera eta zure sare sozial euskalduna handitzera".

Egitaraua
- 10:30ean, DIANA Kresalako bandaren eskutik.
- 11:00etan, EUSKARAZ BIZI GUNEA Erakusketa aretoan
- 11:00etatik 13:00ak bitarte, DANTZA EMANALDIA Kresalako dantza-taldearen eskutik, Alamedan;
ANTZERKIA Kanttoipen; eta IKASTETXEETAKO HAURREN KANTALDIA Zubizarren
- 13:00etan, MANIFESTAZIOA
- 13:30ean, EKITALDI NAGUSIA Itsasaurre plazan
- 14:30ean, BAZKARI HERRIKOIA Itsasaurren
- 16:00etan, HAURREN TXOKOA Txirrimorraski aisialdi taldearekin Itsasaurren
- 17:30ean, KONTZERTUA ZE ESATEK eta TRIKIZIOrekin

ABENTURA KIROL ASTEBURUA

2009-04-15T06:56:00.000-07:00

--ARGAZKIAK--

2009-04-14T02:59:00.000-07:00

KANATA AFARIKO ARGAZKIAK

2009-04-07T00:53:00.000-07:00

Egizu eta Berbalamiñe Topagunean sartu egin dira

Igorlea: UKBERRI.NET

Data: Igandea, 2009 Api, 05 - 08:09 PM

Egizu Getxo Euskaldun! mintzapraktikarako elkartea eta Berbalamiñe Leioako euskara elkartea Topagunea Euskara Elkarteen Federazioaren bazkideak bihurtu ziren atzo. Izan ere, atzo Topaguneak urteko Batzar Nagusia egin zuen Iurretan eta bertan bost elkarte gehiago onartu zituen kide gisa. Eskualdekoak ezezik honakoak izan ziren atzoko batzarrean sartu ziren bazkide berriak: Zeanuriko Alozo elkartea; Baztan, Malerreka eta Bertizaranako Xaloa telebista; eta Xorroxin elkartea, besteak beste, izen bereko irratia Baztan, Zugarramurdi, Urdazubi, Malerreka, Bertizarana eta Bortzirietan zabaltzen duena. Gauzak horrela, dagoeneko Araba, Bizkaia, Gipuzkoa eta Nafarroa Garaiko 93 euskara elkarte batzen dira Topagunean. Gurean, Egizu eta Berbalamiñez gain, "UK" aldizkaria argitaratzen duen Boluntzarreta elkartea, Berbots Erandion Euskaraz eta Bizarra Lepoan Getxoko euskara taldea daude. Argazkian, pasa den martxoaren 24an bere irudia berritu zuen Euskara Elkarteen Federazioak / Topagunea.Bazkide berrien onarpenarekin batera Topaguneak beste lau puntu nagusi eztabaidatu zituen bere batzar nagusian: datozen hiru urteetarako planaren aurkezpena, 2008ko jardueraren errepasoa, 2009ko Kudeaketa Planaren aurkezpena eta Zuzendaritza berritzea.Euskara Elkarteen funtzioa zaharberritzeaTopaguneak hurrengo hiru urteetarako barne hausnarketa burutzeko "prozesu parte hartzailea" abiatuko du. Bazkideekin landu nahi den gogoetaren oinarria "euskara elkarteek hizkuntza komunitate antolatuaren gune modura duten funtzioa berritzea eta aldarrikatzea" izango da. Xede nagusi hori aintzat hartuta, hizkuntza politikaren oinarriak, parte hartzea eta sentsibilizazioa moduko gaiak izango dira aztergai prozesu horretan, Topaguneko iturriek azaldu dutenez.Zuzendaritza BatzordeaEstatutuetan agindutakoari jarraiki, Federazioaren Zuzendaritza Batzordea berritu egin da: Durangoko Berbaro Elkarteko Ione Narbaiza, Araitz-Beteluko Mailope Elkarteko Urko Aristi eta langileen ordezkaria zen Aritza Escandon Zuzendaritzatik irten dira, eta haien ordez Berbaro Elkarteko Nahia Zarzosa eta langileen ordezkari berria den Amaia Alberdi arituko dira aurrerantzean. Federazioaren presidentetza, berriz, Azkoitiko Maxixatzen elkarteko Karmen Irizarrek berritu du beste hiru urtetarako.Topagunea Euskara Elkarteen Federazioa 1997an sortu zen, euskararen erabilera sustatzeko asmoz. Horretarako, hainbat esparru lantzen dituzte elkarteek eta Federazioak berak, hala nola haur eta gazteen aisialdia, kulturgintza, tokiko hedabideak, mintzapraktika, entitateak euskalduntzea eta sentiberatzea.

KORRIKAREN IBILBIDEA

2009-03-25T08:10:00.001-07:00

2009/04/03 Ostirala

KORRIKA Leioan sartuko da 1969. kilometroan arratsaldeko 17:23

KORRIKA BADATOR ! !

2009-03-18T09:28:00.000-07:00

2009-02-27T00:25:00.000-08:00

Korrika 16 :: Ongi etorri !!

2009-02-23T00:24:00.000-08:00

KORRIKA KANTA ETA BIDEOA !!!

http://www.korrika.org/index.php?module=Pagesetter&func=viewpub&tid=2&pid=7

ARGAZKIAK

2009-01-14T03:01:00.000-08:00

BERTSO AFARIKO ARGAZKIAK

HELDU DIRA ! ! !

MILA ESKER IÑIGO...

ARGAZKIAK IKUSTEKO...

http://www.flickr.com/photos/www_ukberri_net/tags/berbalami%C3%B1e/

2009 EGITASMOAK

2009-01-12T23:46:00.000-08:00

BERBALAMIÑE EUSKERA ELKARTEAN

OPORRAK BUKATU DIRA

AURTENGO EGITASMOETAN LANEAN GAUDE

EUSKARAZ BAI ! ! BENDUAK 13 BEC-era

2008-11-24T00:17:00.001-08:00

SARRERAK ESKURATZEKO http://www.nierebanoa.com/

"EUSKARAZ BAI" adierazpena
http://www.kontseilua.org/dokumentuak/EUSKARAZ_BAI_Adierazpena_0.pdf

"EUSKARAZ BAI" txostena

http://www.ukberri.net/fitxategiak/Euskaraz_bai_azaltzeko-zuzendaritza.pdf

_BERTSO AFARIA_

2008-11-23T23:43:00.001-08:00

ABENDUAK 3 EUSKARA EGUNA

AFALTZEKO LEKUA MUGATUA DAGO, BERAZ LEHENBAILEHEN

IZENA EMATEA ESKERTUKO GENIZUEKE ! !

EUSKARAZKO BILATZAILE BERRIA

2008-10-16T03:55:00.000-07:00

Euskarazko albisteen

bilatzaile berria

'www.zerberri.com'

Gorka Julio informatikariak eta Haritz Rodriguez kazetariak euskarazko albisteen bilatzaile berria sortu dute Internet: www.zerberri.com. Google-ren bilatze sisteman oinarritu dute. Oraingoz, ehunen bat informazio iturri erabiltzen dituzte bilaketan -kopurua handitzeko asmoa dute egitasmoaren sortzaileek-, eta berriak dataren arabera ere aurki daitezke.Gaztelaniaz 700 iturrik eskaintzen dituzten albisteak bilatzen ditu Googleren tresnak, frantsesez 500 eta ingelesez 4.500. "Tresna honekin euskarazko Internet sareari ekarpena egin nahi izan diogu, albisteen bilaketak egin ahal izatea ahalbidetuz", esan dute Juliok eta Rodriguezek. Bildu.net, Euskaltube.com eta Txioka.net bezalako webguneen sortzaile ere badira bi haiek.

PANDERO IKASTAROA

2008-10-03T02:43:00.000-07:00

EGUAZTENAK 19:00-20:00

ESKUA ASTINTZEKO GOGOEIN

ZAUDE ??

EUSKAL DANTZA IKASTAROA

2008-10-02T08:45:00.000-07:00

ASTELEHENERO

20:00-21:00

Erromerietan dantza

egiteko prest ? ?

TRIKITIXA IKASTAROA

2008-10-02T08:16:00.000-07:00

ASTELEHENERO

18:00-19:00 eta 19:00-20:00

Osotu gabeko taldeak...

*BerTsolaRitZa.

*AlbOka.

*TxiStu.

-Ondino apuntatzeko aukera dago ! ! ! !-

Ekainak 8 JAIA ! ! ! ! !

2008-05-29T23:08:00.000-07:00

BAI ESKOLAK EUSKALDUNTZEARI ! !

2008-04-24T00:17:00.000-07:00

Hamabost gizarte eragilek sinadurak bilduko dituzte otsailetik maiatzera, eskolak haurrak benetan euskaldundu behar dituela eskatzeko. Eskatu baino gehiago, «eskaera areagotzeko». Uste baitute euskalduntzearen aldeko indarrak bildu eta abiarazi behar direla, bi arrazoi nagusiren ondorioz: alde batetik, egoera «larria» delako eta, bestetik, «inoiz ez bezala, euskalduntze osoa bermatzen ez duten ereduak gainditzeko bideak zabaldu direlako». Horretarako abiatu dute Bai eskolak euskalduntzeari! kanpaina.

TXAPELDUNAK

2008-04-23T13:03:00.000-07:00

Txapelketa gogorra igaro
ostean finalerdietan erabaki
zan dena.
Finalean Guti-Txapi,
Pitxa eta Diegoren
kontra jokatzea,
finalerdian Koldito-Itxaso
eta Nagore-Rakeltxu
geratu ostean.....

Txapelketako parte hartzaileak!

2008-04-23T12:17:00.000-07:00

Grepas -Oier
Guti-Txapi
Pitxa-Diego
Goirienatarrak
Saioa-Arantzi
Koldo-Itsaso
Oli-Tita
Rakeltxu-Nagore

TXITXIBURRUNTZI ´08 LEIOAN

2008-04-16T08:13:00.000-07:00

Berbalamiñe Euskera Elkarteak

"III TXITXIBURRUNTZI EGUNA" antolatzeko asmoa du datorren ekainaren 8an.Negua amaitutakoan,egun batean gure herriko baserri eta auzoetako bizilagunak elkartu egiten ziren leku ezagunetan (Ondiz, San Bartolome,Peruri, Aldekoane, Martiartu...) eta egun pasa egiten zuten txerrikiak sutan erretzen eta jaten, dantza egiten... ondo pasatzen elkarrekin alegia!

Euskaldunok elkarrekin ondo pasa dezagun euskeraz, ohitura zahar hori berreskuratu nahi dugu eta horregatik ekainaren 8an Leioara etor zaitezen animatu nahi zaituztegu.

EGUNEKO PROGAMAZIOA

10.00tan -Txosnaren irekiera
10.30tan -Dultzaineroak herritik
Goizean zehar puzgarriak, umeentzako jolasak
12.00tan -Dantzariak eta ikastaroetako partehartzaileen erakustaldia.
14.30tan -Larrain dantza HERRIKOIA
15.00tan -Bazkaria. Txartelak salgai jarriko dira!!

Aurreko ostegunerako txartelik lortu ez duenak, etxetik ekarri beharko du bere bazkaria,bertan jateko tokia egongo da!
17.30tan Erromeria Lisker taldearekin.

Arratsaldean zehar taloak egiten eta saltzen egongo dira
20.00tan Dana batu eta etxera!

ONGI ETORRI ! !

2008-04-14T06:20:00.001-07:00

ONGI ETORRI GURE BLOG BERRIRA ! !
Bertan, egindako ekintzen argazkiak eta iruzkinak
jarriko doguz denon artean . . .

Baita osteko ekintzen aurrerapenak ere ! !

Berbalamiñe Euskara Elkartea

Badator kantu afaria!

Lotu irakaskuntza berdeari. Matrikula ezazu zure seme-alaba D ereduan!

D eredua etorkizuneko hizkuntzaren transmisorea

D eredua, aukera ekologikoa

D eredua hizkuntza-aniztasunerako atea

Aintzaldun daigun Agate Deuna...

Agate Deuna bileratxoa

Bertsolari filmaren emanaldia + mahai ingurua

Badator gurasolagun!

Nekazal azokan erdu gure postura!

Abenduak 3 Euskararen Eguna

Irrati berria dator!

Berbalagun aurkezpena!

Berbalagun taldeak martxan daude!

"Ezabatu eta euskaraz bizi" ekimena abian jarri du EHEk

Atsegin dut Berbalaguna!

Eskerrik asko!

Txitxiburruntzia: Azken berriak!

Urriaren 8an Txitxiburruntzia Lamiakon

OPORRAK

Txitxiburruntzi jaia

Korrika Leioan ARGAZKIAK !!

KORRIKA TREBIÑUN

AURRERA KORRIKA !!

KORRIKA LEIOAN !!!

Domekarako planik nahi?

Korrika aurkezpeneko lekua aldatu da

Maitatu, ikasi, ari...KORRIKA!

Korrika Ibilbidea !!!

Mezua

Bihar, Euskaraz Bizi Eguna Gernikan

Lau ikasle berritik hiruk egin dute D ereduaren alde EAEn

Nekasarea proiektuaren aurkezpena Leioan

Sasi guztien gainetik euskaldun eta burujabe! Larunbatean Donostian

XXI.mendeko Euskaldunon elkarteen Kongresua baino gehiago

Santa Agedan kantu kantari!

Urte berriarekin indar berrituta gatoz

Olentzero eta Mari Domingi Leioan euskararen alde!

Abenduaren 16an aurkeztuko da Korrika 17ren webgunea

Leioako Berbalaguna egitasmoaren aurkezpena!

Egin zaitez BAZKIDE !!

BATZAR OROKORRA

Leioara ere heldu da Berbalagun egitasmoa

Berbalamiñe FACEBOOK-en !!

2011 urterako Berbalamiñe egutegiko irudia.

TXITXIBURRUNTZIKO ARGAZKIAK

“Erregea eta Bufoia”

TXITXIBURRUNTZI EGUNA

Herri euskalduna

NAFARROAN EUSKARAZ BIZITZEKO ESKUBIDEA !!

II. KANTU AFARIA

ZORIONAK ETA URTE BERRI ON

EUSKAL DANTZA IKASTAROA

PANDERO IKASTAROA

TXALAPARTA IKASTAROA

ONGI ETORRI IKASTURTE BERRIRA ! !

ONDO PASA OPORRETAN ! ! !

TXITXIBURRUNTZI

TXITXIBURRUNTZI 2009

EUSKAL CURRICULUMAREN

Hizkuntz Eskubideen Egunerako autobusa jarri du EHEk

ABENTURA KIROL ASTEBURUA

--ARGAZKIAK--

KORRIKAREN IBILBIDEA

KORRIKA BADATOR ! !

Korrika 16 :: Ongi etorri !!

ARGAZKIAK

2009 EGITASMOAK

EUSKARAZ BAI ! ! BENDUAK 13 BEC-era

*_BERTSO AFARIA_*

EUSKARAZKO BILATZAILE BERRIA

PANDERO IKASTAROA

EUSKAL DANTZA IKASTAROA

TRIKITIXA IKASTAROA

Ekainak 8 JAIA ! ! ! ! !

BAI ESKOLAK EUSKALDUNTZEARI ! !

TXAPELDUNAK

Txapelketako parte hartzaileak!

TXITXIBURRUNTZI ´08 LEIOAN

_BERTSO AFARIA_